Statement on Supreme Court’s decision to return P60B PhilHealth funds
December 05, 2025
The return of the P60-Billion to PhilHealth is a welcome correction. From the very beginning, we made it clear that these funds belong to PhilHealth. Dapat hindi ito tinawag na “excess funds” lalo na’t kulang pa rin ang pondo para sa kalusugan. Madami pa rin sa ating kababayan ang nabibigatan sa mga gastusing medikal o pagpapa-ospital.
Kinikilala natin ang ating health advocates, na naging boses at naka-dayologo natin sa usaping ito. Kailangan nating magsama-sama para makamit ang ating layunin na mas mapabuti ang serbisyong pangkalusugan sa bansa.
Ang mahalaga ngayon, magtuluy-tuloy na ang pagtaas ng partisipasyon ng PhilHealth sa mga gastusing medikal. Marami pa tayong kailangang ipanalong mga laban para gawing mas accessible at maka-Pilipino ang ating health care system.
Sa oras ng pangangailangan, dapat maging malinaw at matibay ang ating paninindigan na ang tulong ay abot-kamay lamang at hindi nasa diskresyon ng mga pulitiko.
